Argentinalı qadın boksçu Alexandra Oliveras 47 yaşında vəfat edib.
Bakues.az xəbər verir ki, boks üzrə bir neçə titulun sahibi işemik insultdan dünyasını dəyişib.
Oliveras peşəkar karyerası ərzində döyüşlərindən 33 qələbə, 3 məğlubiyyət və 2 heç-heçə ilə ayrılıb. O, 6 çəki dərəcəsi üzrə bir sıra təşkilatların, o cümlədən, Ümumdünya Boks Şurası, Ümumdünya Boks Assosiasiyası və Ümumdünya Boks Təşkilatının çempion kəmərlərini əldə edib.
Tanınmış boksçunun adı 2 dəfə – 2013-cü ildə 4 dünya kəməri əldə etdiyi, 2017-ci ildə isə 5-ci kəmərini qazanaraq, şəxsi rekordunu yenilədiyi üçün Ginnesin Rekordlar Kitabına salınıb.
