ABŞ prezidenti Donald Tramp tariflərdə gərginlik yaşadığı Çin Dövlət Başçısı Xi Jinping ilə "zirvə" istəmədiyini və Çinə yalnız Xi-nin dəvəti ilə gedəcəyini bildirib.
ABŞ prezidenti Tramp “Truth Social” platformasındakı paylaşımında məsələ ilə bağlı açıqlama verib.

"Saxta xəbərlər Çin prezidenti Xi ilə 'zirvə" axtardığımı iddia edir. Bu doğru deyil; mən heç nə axtarmıram" deyən Tramp Çinə ancaq "Xi dəvəti ilə" gedə biləcəyini əlavə edib.

ABŞ və Çin arasında davam edən ticarət danışıqlarının üçüncü raundu dünən İsveçin paytaxtı Stokholmda başlayıb.

İki gün davam edəcək danışıqlarda Xəzinədarlıq katibi Skott Bessentin başçılıq etdiyi nümayəndə heyətinin, Çin tərəfini isə Baş nazirin iqtisadi məsələlər üzrə müavini Hı Lifınqın təmsil edəcəyi açıqlanıb.

ABŞ və Çin arasında Tarif Hesabatı və Münasibətlərdə Gərginlik
ABŞ prezidenti Donald Tramp aprelin 2-də Çin də daxil olmaqla ticarət tərəfdaşlarına əlavə rüsumlar tətbiq etdiyini açıqlayıb. Çinin cavab tədbirləri ABŞ-ın Çinə tətbiq etdiyi tarifləri 145%-ə, Çin isə ABŞ-a 125%-lik rüsum tətbiq etməsi ilə iki ölkə arasında tarif qarşıdurmasına səbəb oldu.

Ticarət gərginliyinin artmasının ardından ABŞ və Çin rəsmiləri mayın 10-11-də İsveçrənin Cenevrə şəhərində tarif danışıqları aparmaq üçün görüşdülər və ikitərəfli tarifləri 90 gün müddətinə azaltmaq barədə razılığa gəldilər. Görüşdən sonra razılaşdırılıb ki, mayın 14-dən etibarən ABŞ Çin mallarına tətbiq etdiyi tarifləri 90 gün ərzində 145%-dən 30%-ə, Çin isə ABŞ mallarına tətbiq etdiyi tarifləri 125%-dən 10%-ə endirəcək.

İki ölkənin rəsmiləri iyun ayında danışıqların ikinci raundu üçün Londonda bir araya gəlib və daha əvvəl Cenevrədə əldə edilmiş ticarət razılaşmasının həyata keçirilməsi üçün “çərçivə” üzərində razılaşdıqlarını açıqlayıblar.

aia.az
Tərcümə şöbəsi

• Səfər
• Tramp
• Niyyət
• Zirvə Görüş