Sherg.az portalından əldə olunan məlumata əsasən, ain.az xəbər verir.
Baş nazir bunun üçün Zəngəzur dəhlizini bir il yubadacaq
Zəngəzur dəhlizi ətrafında müzakirələr son günlərdə yenidən intensivləşib. Xüsusən, dəhlizə nəzarətin ABŞ-yə məxsus özəl şirkətə həvalə edilməsi ilə bağlı iddialar regional ölkələrin reaksiyalarına səbəb olub. Rusiya prezidentinin mətbuat katibi Dmitri Peskov Zəngəzur dəhlizinin Ermənistan və Azərbaycanın suveren məsələsi olduğunu bəyan edib. Aydın məsələdir ki, prosesin bu cür cərəyan etməsi heç də Moskvanın marağına cavab vermir. Rusiya dəhlizin Bakı, İrəvan və Moskva arasında üçtərəfli müqaviləyə əsasən realizə olunmasında israrlıdır. Ermənistan isə uzun müddətdir imza atdığı bu sənədin işıq üzü görməsinə imkan verməməyə çalışır. Prezidentin köməkçisi Hikmət Hacıyev də ABŞ şirkətinin Zəngəzur dəhlizi layihəsində roluna dair yayılan xəbərlərə münasibət bildirib. H.Hacıyev deyib ki, bu, Ermənistanın qərar verəcəyi məsələdir. O vurğulayıb ki, əgər ABŞ şirkətləri ilə işləyirlərsə, bu, onların işidir: "Biz isə öz üzərimizə düşəni edirik. Gürcüstan, İran və Rusiya ilə nəqliyyat əlaqələrimizi gücləndiririk. Bu layihələr bütün bölgəyə fayda verəcək. Əgər Ermənistan istəsə, biz trans-Qafqaz dəhlizi üzərində birgə işləməyə hazırıq".
Türkiyənin nəqliyyat və infrastuktur naziri Abdulkadir Uraloğlu deyib ki, Ankara Zəngəzur dəhlizi ilə bağlı məsələyə töhfə verməyə çalışır. O bildirib ki, Azərbaycan və Ermənistan bu məsələ ətrafında lazımi müzakirələri davam etdirir: "Güman edirəm ki, bu məsələ çox uzun çəkmədən həllini tapacaq. Beləliklə,Türk dünyasına daha qısa yol açılacaq". Nazir söyləyib ki, nəqliyyat dəhlizləri Türkiyə üçün vacibdir: "Azərbaycan həm quru, həm də dəmiryolu ilə bağlı işlərini davam etdirir. Biz də Qars-İğdır-Naxçıvan xətti ilə bağlı işlərə bu il başlayırıq". Özbəkistan Nəqliyyat Nazirliyinin hesabatında da deyilib ki, Zəngəzur dəhlizinin açılması onun marşrutu boyunca yerləşən ölkələrə xeyli fayda verəcək. O bildirib ki, dəhliz Azərbaycandan Türkiyəyə marşrutu qısaltmağa imkan verir: "Mövcud Bakı-Tbilisi -Qars marşrutu çərçivəsində yük qatarları Gürcüstan ərazisindən təxminən 250 km məsafə qət edir. Yeni marşrut xeyli qısaldılıb. Azərbaycanla sərhəd Ağbənd kəndinə gedən yolların tikintisi başa çatdıqdan sonra Azərbaycanla Türkiyə arasında məsafə 343 kilometr qısalacaq. Bu, vaxta və maliyyə xərclərinə qənaətə gətirib çıxaracaq, həmçinin Gürcüstandan keçən marşrutla müqayisədə malların çatdırılma müddətini təxminən bir gün azaldacaq".
Bakı Politoloqlar Klubunun rəhbəri, siyasi elmlər namizədi Zaur Məmmədov Sherg.az-a deyib ki, Paşinyanın Rusiyaya səfəri, Baş nazir M.Mişustinlə görüşü, 2026-cı ildə keçiriləcək seçkiöncəsi Ermənistanda baş verənlər göstərir ki, Paşinyan öz hakimiyyətini qorumaq üçün Zəngəzur dəhlizinin açılmasını ən azından 1 il müddətinə yubadacaq. Ekspertin sözlərinə görə, Bakı ABŞ və Ermənistan arasında dəhlizlə bağlı müzakirələri fəlakət kimi qəbul etmir. Çünki söhbət məhz İrəvanla Vaşinqton arasındakı razılaşmadan gedir:
