Fransanın Şatoru şəhərində keçirilən Avropa Atıcılıq Çempionatında Azərbaycan atıcıları uğurlu nəticə əldə ediblər.
“Qafqazinfo” xəbər verir ki, Dairəvi (skeet) stend qarışıq duet komandası kateqoriyasında mübarizə aparan Niyaz Ağazadə və Riqina Meftaxetdinova cütlüyü bürünc medal qazanaraq yarışları fəxri kürsüdə tamamlayıb.
Medal qarşılaşmasında təmsilçilərimiz İsveç duetinə — Stefan Nilsson Schoen və Victoria Larsson cütlüyünə qarşı üstün oyun nümayiş etdirərək inamlı qələbə ilə 3-cü yeri təmin ediblər.
