Ajans.az xəbər verir ki, İranlılar heç vaxt xaricilərin qarşısında baş əyməyib, sadəcə hörmətə cavab verirlər, – deyə Abbas Araqçi bazar ertəsi günü X sosial şəbəkəsində ABŞ rəsmilərinin İrana qarşı yenidən təcavüz təhdidlərinə cavab olaraq yazıb. "İran dəqiq bilir ki, son ABŞ-İsrail təcavüzü zamanı həm bizə, həm də düşmənlərimizə nə baş verib – zərbələrin bir qismi isə hələ də gizli saxlanılır. Əgər təcavüz təkrarlanarsa, biz daha qəti və ört-basdır etmək mümkün olmayan şəkildə cavab verəcəyik," – deyə nazir əlavə edib. "Bir milyondan çox iranlı tibbi radioizotoplara ehtiyac duyur. Bu izotoplar Tehran Tədqiqat Reaktorunda istehsal olunur, hansı ki, ABŞ tərəfindən təmin edilmiş və 20% zənginləşdirilmiş uranla işləyir. İran həmçinin yeni nüvə enerji reaktorlarını işlətmək üçün zənginləşdirməyə ehtiyac duyur," – o davam edib. "Heç kəs sağlam düşüncə ilə öz ölkəsinin böyük zəhmət və investisiya qoyduğu, insan həyatını xilas edən dinc texnologiyanı sadəcə xarici təhdidlərə görə tərk etməz," – deyə vurğulayıb. "İranın nüvə obyektlərinə edilən qanunsuz bombalama göstərdi ki, bizim dəfələrlə dediyimiz kimi, hərbi həll yolu yoxdur. Əgər nüvə proqramımızın sülh məqsədlərindən uzaqlaşacağı ilə bağlı narahatlıq varsa, hərbi yol uğursuzdur, ancaq danışıqlar yolu işləyə bilər," – deyə Araqçi bildirib. "Hamı bilməlidir ki, biz iranlılar dinc nüvə proqramını satın almamışıq; onu qan, zəhmət və göz yaşı ilə qurmuşuq. Texnologiya və biliklərimizi bombalarla məhv etmək mümkün deyil. Bəli, zənginləşdirmə obyektlərimiz zərər görüb, amma iradəmiz sarsılmayıb," – deyə nazir sözlərini yekunlaşdırıb.
