Xarici işlər nazirinin müavini Araz Əzimov ilə İranın Azərbaycandakı səfiri Müctəba Dəmirçilu arasında görüş baş tutub.
APA-nın ISNA agentliyinə istinadən məlumatına görə, müzakirələrdə ikitərəfli əlaqələrin mövcud durumu, habelə bir sıra regional və qlobal məsələlər nəzərdən keçirilib. Səfir Müctəba Dəmirçilu iki ölkə arasındakı əlaqələrin dostluq və qardaşlıq prinsiplərinə söykənərək inkişaf etdiyini diqqətə çatdırıb.
Hər iki tərəf qarşılıqlı maraqlara söykənən əməkdaşlığın davam etdirilməsi və münasibətlərin daha da gücləndirilməsinin vacibliyi ətrafında ortaq fakir ifadə edib.
