Oxu.az portalından verilən məlumata əsasən, ain.az bildirir.
Artıq 10 ildir ki, Bakı şəhərinin mərkəzi nöqtələri ilə Heydər Əliyev adına Beynəlxalq Hava Limanı arasında sərnişinlərin rahat və sürətli daşınmasını təmin edən "H1 Ekspres" marşrut xətti, şəhərin nəqliyyat infrastrukturunun mühüm hissəsini təşkil edir.
"BakuBus" MMC-nin istismarında olan bu xətt metronun "28 May" və "Koroğlu" stansiyası ilə Hava Limanının birinci və ikinci terminallarını birləşdirir. Müasir standartlara cavab verən "H1 Ekspres" marşrut xətti 24 saat fasiləsiz olaraq 15 dəqiqəlik intervalla fəaliyyət göstərir. Səyahət müddəti təxminən 30 dəqiqə təşkil edir. Bundan əlavə, "H1 Ekspres"in mərkəzi nöqtələrdə yerləşən dayanacaqları sərnişinlərin dəmir yolu, metro stansiyaları və avtovağzal kimi digər mühüm nəqliyyat xidmətlərindən rahatlıqla istifadə etməsinə şərait yaradır.
Xətt üzrə xidmət göstərən "Neoplan" markalı müasir avtobuslar sərnişindaşıma üzrə beynəlxalq standartlara cavab verir. Avtobuslar geniş baqaj imkanı, havalandırma və soyutma sistemi, marşrut xətti və dayanacaq məlumatlarını əks etdirən monitorlar, "Wi-Fi" xidməti ilə təchiz edilib.
H1 xətti üzrə gediş haqqı 1.30 AZN təşkil edir. Ödənişlər "BakıKart", eləcə də m10 və "Birbank" mobil tətbiqləri vasitəsilə həyata keçirilir. Hava limanında quraşdırılmış bilet satış terminalları sərnişinlərə rahat şəkildə "BakıKart" əldə etməyə və balansı artırmağa imkan yaradır.
Hadisənin gedişatını izləmək üçün ain.az saytında ən son yeniliklərə baxın.
