"Yuventus"un mərkəz müdafiəçisi Daniele Ruqani Portuqaliyanın "Portu" klubunun maraq dairəsinə düşüb.
90deqiqe.Az-ın "Sky Sport"a istinadən verdiyi məlumata görə, "əjdahalar" 31 yaşlı futbolçu üçün rəsmi təklif göndərməyə hazırlaşır. Lakin "Yuventus" rəhbərliyi Ruqani ilə yolları ayırmağa tələsmir. Buna səbəb komandadakı digər müdafiəçilər – Qleyson Bremer və Xuan Kabalın zədə səbəbindən hələ tam sağalmamalarıdır.
"Qoca sinyora"nın rəhbərliyi təcrübəli italyan futbolçunun yeni mövsümdə komandaya faydalı olacağını düşünür.
Qeyd edək ki, 2024/25 mövsümündə Ruqani icarə əsasında Niderlandın "Ayaks" klubunda çıxış edib. Onun "Yuventus"la mövcud müqaviləsi 2025-ci ilin ortasında başa çatır. "Transfermarkt" portalı futbolçunun dəyərini 3 milyon avro olaraq qiymətləndirir.
