Hindistanın şərqindəki Bihar əyalətinin Bankatva kəndində iki yaşlı Qovinda Kumar evinin yaxınlığında oynayarkən uzunluğu təxminən 1 m olan ilanı görüb və onu tutub. Balaca oğlan ilanı dişləyib və huşunu itirib.
Hafta.az “TSN”-ə istinadla xəbər verir ki, bu barədə "The Telegraph" yazıb.
Yaxınlarının sözlərinə görə, ilan uşağa hücum edib və onun qollarına sarılaraq dişləməyə çalışıb. "Bununla belə, balaca Qovinda ağlamaq və ya qorxmaq əvəzinə, ilanın başını ağzı ilə tutub və var gücü ilə çənələrini sıxıb", - oğlanın nənəsi Mateşvari Devi bildirib.
Zəhərlə təmasda olan uşaq huşunu itirsə də, vaxtında xəstəxanaya çatdırılıb və ona lazımi yardım göstərilib. İndi oğlan tibb müəssisəsindən evə buraxılıb.
Kobra isə yerindəcə ölüb.
"Mən evin yanında odun daşıyarkən kobra peyda olub. Uşaq, yəqin, onun süründüyünü görüb və tutub. Qaçıb yanına gəldik, gördük ki, ilanın başı ağzındadır. İlanı ağzından və əllərindən ayırdıq. Kobra dərhal öldü, uşaq isə huşunu itirdi", - uşağın nənəsi belə deyib.
Hadisədən sonra qohumlar əvvəlcə uşağı yerli tibb mərkəzinə, daha sonra isə Bettiahdakı dövlət tibb kollecinə və xəstəxanasına aparıblar və orada mütəxəssislər uşağı xilas etmək üçün çalışıblar.
Pediatriya şöbəsi bildirib ki, yağışlı mövsümdə onlar hər ay altıya qədər ilan sancmış insanı qəbul edirlər. Lakin ilk dəfədir ki, belə bir vəziyyət yaranır.
Kobralar son dərəcə zəhərli ilanlardır. Onların dişləmələri tənəffüs yollarının iflicinə səbəb ola və bir neçə saat ərzində ölümcül ola bilər.
"Oğlan bizə huşu özündə olan halda gəldi, lakin selikli qişanın zəhərə reaksiyası səbəbindən üzü və ağzı şişmişdi. Zəhərin qana keçməsini istisna etmək üçün kobranın valideynləri ilə bir neçə dəfə onu dişləyib-dişmədiyini yoxladıq. "Onlar təsdiq etdilər ki, kobranı dişləyən uşaqdır, əksinə deyil", - doktor Saurab Kumar bildirib.
"Uşaq ilanın bir hissəsini udmuşdu, ona görə də zəhər neyrotoksik dişləmələrdə olduğu kimi qanına deyil, mədə-bağırsaq traktına keçib. Biz ona allergiya əleyhinə dərman verdik və onu müşahidə etdik. 48 saat ərzində heç bir əlamət göstərmədiyi üçün o, şənbə günü evə buraxıldı", - Kumar izah edib.
Həkim həmçinin qeyd edib ki, kobranın ölümü, ehtimal ki, uşağın dişləməsi nəticəsində baş və ağız nahiyəsindən aldığı xəsarətlərlə bağlı olub.
