ABŞ Prezidenti Donald Tramp Rusiyaya Ukraynadakı müharibəni dayandırmaq üçün təzyiqi artıraraq, Moskvanın sülh istiqamətində irəliləyiş əldə etməsi üçün yeni — 10-12 günlük — vaxt verdiyini açıqlayıb.
News24.az xəbər verir ki, hazırda Şotlandiyada diplomatik görüşlər keçirən Tramp, Rusiya Prezidenti Vladimir Putindən məyus olduğunu bildirib və əvvəlki 50 günlük vaxt limitini qısaltdığını qeyd edib.
Bu bəyanat, Qərbin Rusiya ilə bağlı mövqeyinin sərtləşdiyi və Ukraynada vəziyyətin gərgin olaraq qaldığı bir dövrə təsadüf edir. Trampın bu təzyiqi artırması, Moskvanın mümkün yeni sanksiyalarla qarşı-qarşıya qala biləcəyi ehtimalını da gündəmə gətirib.
Xeyrənsə Piriyeva
