ABŞ prezidenti Donald Tramp Ukraynadakı vəziyyəti sülh yolu ilə həll etmək yollarını axtarmağa davam edir, lakin onun ilkin yanaşması açıq şəkildə uğursuzluqla nəticələnib.
Turkustan.az xəbər verir ki, bu fikri TASS-ın müxbiri ilə söhbətində Böyük Britaniyanın Moskvadakı keçmiş səfiri (2004-2008) Entoni Brenton deyib.
"Onun prosesdən bezdiyinə dair heç bir dəlil görmürəm. Lakin onun Putin və Zelenski ilə bir araya gəlib həll yolu tapmaq kimi ilkin yanaşması, şübhəsiz ki, uğursuzluğa düçar olub", - deyə keçmiş səfir bildirib. Onun sözlərinə görə, Tramp guya Kiyevdən atəşkəs ideyasına dəstək görüb və hesab edir ki, irəliləyişə nail olmaq üçün “Rusiyaya təzyiq göstərməlidir”, lakin bunun üçün “təzyiq üçün təsirli alətlər tapmalıdır”.
"Mən tərəqqinin tez əldə ediləcəyinə çox da optimist deyiləm", - keçmiş diplomat etiraf edib.
Aytən Yaşar/ Turkustan.az
