ABŞ Konqresində respublikaçı konqresmen Marjori Teylor Qrin İsrailin Qəzza zolağındakı hərəkətlərini soyqırım adlandıran ilk partiyadaş oldu.
Olaylar xəbər verir ki,bu barədə Qrin X sosial şəbəkəsində yazıb.
"Söyləniləcək ən səmimi və sadə söz budur: 7 oktyabrda İsraildə baş verənlər dəhşətli idi və bütün girovlar azad olunmalıdır. Amma Qəzzada baş verən soyqırım, humanitar fəlakət və kütləvi aclıq da eyni dərəcədə dəhşətlidir", - deyə Qrin bildirib.
The New York Times qeyd edir ki, Qrin, İsrail ordusunun Qəzza zolağında apardığı əməliyyata bu cür yanaşma sərgiləyən ilk respublikaçıdır.
Daha əvvəl isə HƏMAS-ın Qəzza zolağındakı lideri Xalil əl-Hayə bəyan etmişdi ki, anklavın blokada şəraitində olması fonunda İsraillə atəşkəsə dair danışıqların davam etdirilməsi mənasızdır.
İbrahim Məmmədli
