Ukrayna Silahlı Qüvvələrinin baş komandanı Aleksandr Sırski Zaporojye istiqamətindəki vəziyyətə münasibət bildirib.
NOCOMMENT.az xəbər verir ki, bu barədə “RBK-Ukrayna” məlumat yayıb.
Onun sözlərinə görə, həmin istiqamətdə digər sahələrlə müqayisədə döyüş toqquşmaları nisbətən azdır. Sırski qeyd edib ki, Rusiya tərəfi Kamenskoye yaşayış məntəqəsi yaxınlığında hücum əməliyyatlarını intensivləşdirir.
Ukrayna baş komandanı əlavə edib ki, Rusiya hərbçiləri idarəolunan aviasiya bombalarından, artilleriyadan və zərbə tipli pilotsuz uçuş aparatlarından fəal şəkildə istifadə edirlər.
Bununla yanaşı, Rusiya Müdafiə Nazirliyi bildirib ki, Zaporojye vilayətində yerləşən Temirovka yaşayış məntəqəsi Rusiya qoşunlarının nəzarətinə keçib.
