ABŞ prezidenti Donald Tramp Rusiya neftinin ixracına qarşı indiyədək ən sərt sanksiyaların tətbiqi müddətini kəskin şəkildə 12 günə endirib. Təhlükənin miqyası investorları riski ölçməyə vadar edə bilər.
Editor.az “Reuters”in enerji üzrə analitiki Ron Bussoya istinadən xəbər verir ki, ən böyükləri Hindistan və Çin olan Rusiya neftinin alıcılarına 100% tariflər tətbiq etmək qlobal tədarükləri poza bilər. Rusiya təkcə iyun ayında gündəlik 4,68 milyon barel xam neft ixrac edib ki, bu da qlobal tələbatın təxminən 4,5%-ni təşkil edib. İkinci dərəcəli tariflərin tətbiqi neft qiymətlərində kəskin sıçrayışa gətirib çıxara bilər ki, bu da ABŞ-da inflyasiyaya təzyiq göstərə bilər və hətta Vladimir Putindən “məyus” olsa belə, Trampı belə qərardan çəkindirə bilər.
Eyni zamanda, ABŞ prezidentinin Rusiyaya qarşı gözlənilməz siyasətləri ilə bağlı reputasiyası var ki, bu da bəzi investorları riskdən çəkindirə bilər.
Beynəlxalq Enerji Agentliyinin məlumatına görə, qlobal neft tələbinin 2025-ci ildə sutkada 700 min barel artacağı gözlənilir ki, bu da 2009-cu ildən bəri ən zəif göstəricidir, təklifin isə bu il kəskin şəkildə sutkada 2,1 milyon barel artaraq 105,1 milyon barelə çatacağı proqnozlaşdırılır. Son aylardakı təklif artımı əsasən Səudiyyə Ərəbistanının rəhbərlik etdiyi neft hasil edən ölkələr qrupundan (OPEC+) hasilatın artması ilə şərtlənir. OPEC+-ın artan hasilatı qrupun ehtiyat istehsal gücünü azaldıb, lakin iyun ayı etibarilə Səudiyyə Ərəbistanının 90 gün ərzində sutkada 2,3 milyon barel, BƏƏ və Küveytdə isə müvafiq olaraq sutkada 900,000 və 600,000 neft istehsal edə biləcəyi proqnozlaşdırılır. Bu o deməkdir ki, üç körfəz istehsalçısı ABŞ-ın Rusiyaya tətbiq etdiyi sanksiyalardan sonra tədarükün qəfil kəsilməsi halında hasilatı nisbətən tez artıra bilər.
//Samir Qurbanov, Editor.az
