"İnter" kanadalı yarımmüdafiəçi Tajon Buçananı İspaniyanın "Vilyarreal" klubuna satıb.
90deqiqe.Az xəbər verir ki, "sarı sualtı qayıq"ın yeni transferi ilə 5 illik müqavilə imzalanıb. Transferin məbləği 9 milyon avro təşkil edir.
26 yaşlı futbolçu "İnter"də cəmi bir il yarım çıxış edib. O, 2024-cü ilin qışında Belçikanın "Brügge" klubundan transfer olunmuşdu. Lakin əsas heyətdə möhkəmlənə bilmədiyi üçün yayda icarə əsasında "Vilyarreal"a göndərilmişdi. İspan klubu kanadalı futbolçunun çıxışından razı qaldığı üçün onu tam transfer etməyə qərar verib.
Tajon Buçanan Kanada millisinin formasını 51 dəfə geyinib və 8 qol vurub.
