...Birləşmiş Ştatlarda “mankeeping” termini populyarlıq qazanır – bu, qadınların kişilərlə münasibətlərdə üzərlərinə götürdükləri emosional və sosial məsuliyyətə aiddir. Stenford alimi Anjelika Puzio Ferrara, kişi dostluqlarını və sosial əlaqələri araşdıran bu nəzəriyyəni təqdim edib.
SİA-nın məlumatına görə, bu barədə “The New York Times” yazır.
Bruklinli psixoterapevt Castin Lioi qeyd edir ki, onun heteroseksual müştərilərinin çoxu yalnız tərəfdaşlarının yanına gəlir.
Qadınlar onların yeganə dinləyicisi, məsləhətçisi və ictimai həyatın təşkilatçısı olurlar. Ferraranın araşdırması qadınların geniş dəstək şəbəkəsinə malik olduğunu, kişilərin isə yalnız öz partnyoruna güvəndiyini aşkar edib.
Bu, qadınları emosional dəstəyin mərkəzinə çevirir ki, bu da tükənməyə səbəb olur.
Los-Anceles sakini, vəkil Eve Tilley-Colson deyir ki, o, dostları ilə görüşlər keçirən, birlikdə səfərlər planlaşdıran və gələcəklə bağlı ciddi söhbətlər edən biridir.
Onun partnyoru etiraf edir ki, o, əvvəllər onun sadəcə planlaşdırıcı olduğunu düşünürdü. Ancaq müzakirələrdən sonra bunun nə qədər yorucu ola biləcəyini anladı və bəzi məsuliyyətləri özü üzərinə götürdü.
Problem daha da dərinləşir: 2021-ci ildə aparılan sorğuya görə, ABŞ-da kişilərin 15 faizinin bircə dənə də yaxın dostu yoxdur.
İcmaların, dini qrupların parçalanması və iş şəraitinin dəyişməsi səbəbindən kişi sosial əlaqələri zəifləyib. Mütəxəssislər vurğulayırlar ki, heç bir insan tək emosional dəstək mənbəyi ola bilməz. Kişilərin dostluq münasibətləri qurmağı və hissləri bölüşməyi öyrənməsi vacibdir - yalnız öz xatirinə deyil, münasibətlərinin sağlamlığı üçün...
Nazlı Almuradova
