"Atletiko"nun yarımmüdafiəçisi Samuel Linon "Flamenqo"ya keçib.
QOL.az xəbər verir ki, bu barədə Braziliya klubunun mətbuat xidməti məlumat yayıb.
25 yaşlı futbolçu ilə 4 illik müqavilə imzalanıb. Bu transfer üçün İspaniya klubuna 22 milyon avro ödəniləcək.
Qeyd edək ki, S.Lino 2024/2025 mövsümündə meydana çıxdığı 47 matçda 4 qol vurub, 8 məhsuldar ötürmə edib.
Xatırladaq ki, "Atletiko"nun daha bir futbolçusu Saul Niqes də bir neçə gün əvvəl "Flamenqo"ya keçib.