Hurriyyet.az xəbər verir ki, Yaponiyada sunaminin maksimal hündürlüyü qeydə alınıb. Ölkənin şimal-şərqindəki İvate prefekturasındakı Kutzi limanında dalğaların hündürlüyü 1,3 metrə çatıb. Bu barədə ölkənin baş meteoroloji idarəsi məlumat verib.
Kamçatkada baş verən zəlzələdən sonra Yaponiyada əvvəlcə Sakit okeanın demək olar ki, bütün şərq sahillərində sunami təhlükəsi ilə bağlı xəbərdarlıq edilib. Əksər ərazilərdə hündürlüyü təxminən 3 metr olan sunami gözlənilirdi. İndiyədək Yaponiya sahillərində sunaminin hündürlüyü ümumilikdə 40-30 santimetr olub.
Yaponiyanın baş nazirinin ofisində böhran qərargahı yaradılıb. Magistral və dəmir yollarının bir sıra hissələrində nəqliyyatın hərəkəti dayandırılıb, ölkənin şimal-şərqindəki Senday hava limanında uçuş-enmə zolağı bağlanıb. Ən azı 356 min insanın təxliyə edilməsi əmri verilib.
Hürr Tərcüman
