Taylandın Xarici İşlər Nazirliyi çərşənbə axşamı qüvvəyə minən atəşkəsə baxmayaraq, Kamboca qüvvələrinin vaxtaşırı hücumlara davam etdiyini bildirib.
Bu gün yayılan son bəyanatda Tailand mövqelərinin atıcı silahlar və qumbaraatanlarla hədəf alındığı, hücumların gecə boyu davam etdiyi bildirilib.
Bəyanatda bu hücumların “atəşkəsin açıq şəkildə pozulması” olduğu vurğulanarkən, Tailand ordusunun razılaşmaya əməl etməyə davam etdiyi vurğulanıb.
Tailand hökumətinin sözçüsü Jirayu Huanqsab gecə ərzində baş verən toqquşmaları təsdiqləyərək, Tayland qoşunlarının nəzarətdə olduğunu və "sərhəddəki ümumi vəziyyətin çərşənbə səhəri normala döndüyünü " söyləyib.
