Diyetoloq Anton Polyakov plastik qablaşdırmaların sağlamlığa təsiri ilə bağlı vacib xəbərdarlıq edib.
E-saglam.az xəbər verir ki, onun sözlərinə görə, plastik butulkaların tərkibindəki ftalatlar orqanizmin endokrin sisteminə, xüsusilə də qalxanabənzər vəz və reproduktiv orqanlara mənfi təsir göstərir.
Polyakov aif.ru-ya açıqlamasında bildirib ki, bazarda mövcud olan plastik butulkaların demək olar ki, 99,9 faizi polietildən hazırlanır. Bu maddə zamanla deqradasiyaya uğrayaraq zərərli ftalatlar ifraz edir. Bu kimyəvi maddələr isə hormonal pozğunluqlara, sonsuzluq riskinin artmasına və daxili orqanların funksiyalarında pozuntulara səbəb ola bilər.
İsti hava və günəş işığı təhlükəni artırır
Mütəxəssis vurğulayıb ki, plastikin qızması ftalatların ayrılmasını sürətləndirir. Məsələn:
Plastik qabda su radiatorun yanında saxlanıldıqda,
Yaxud günəş şüaları altında qalan mağaza rəflərində yerləşdirildikdə ftalatların miqdarı əhəmiyyətli dərəcədə artır.
Nə etməli?
Polyakov sağlamlıq üçün ən təhlükəsiz seçim kimi şüşə qabları tövsiyə edir. İçməli su və digər mayelərin saxlanmasında şüşə və ya BPA-sız (ftalatsız) materiallardan istifadə olunması uzunmüddətli sağlamlıq üçün vacibdir.
Tərcümə: Könül Oruc
E-saglam.az
