Avropa ölkələrinin orduları NATO-nun irəli sürdüyü tələblərin yalnız 50 faizinə cavab verir.
AzPost bildirir ki, bunu Euractiv portalına müsahibəsində Avropanın müdafiə üzrə komissarı Andrius Kubilius deyib.
Onun sözlərinə görə, Avropa orduları NATO-nun məqsədlərinə uyğun olaraq ehtiyac duyduqlarının yalnız 50%-nə malikdir. Euractiv-in qeyd etdiyi kimi, Avropa Komissiyası hərbi xərcləri artırmaq üçün planlar hazırlayır. AK həmçinin Aİ ölkələrini silah alışı üçün 150 milyard avro kredit xətti təqdim edən SAFE planı çərçivəsində kreditlərdən aktiv istifadə etməyə təşviq edir.
Avropanın müdafiə üzrə komissarı həmçinin bəyan edib ki, payızda AK Böyük Britaniya, Norveç və Ukraynanın qoşulacağı Avropa Müdafiə İttifaqı layihəsini həyata keçirməyi planlaşdırır. O, daha sonra iştirakçı ölkələrin liderlərinə 2030-cu ilə qədər döyüş hazırlığını artırmaq üçün hansı addımları atmalı olduqları barədə məlumat verəcəyini bildirib.
