İsrailin Qəzzada törətdiyi qətliamlar qlobal miqyasda qınanmağa davam edərkən Fələstinə növbəti dəstək Maltadan gəldi.
Turkustan.az xəbər verir ki, Maltanın Baş naziri Robert Abela sosial media platforması Facebook-da ölkəsinin sentyabrda keçiriləcək Birləşmiş Millətlər Təşkilatının (BMT) Baş Assambleyası zamanı Fələstin Dövlətini tanıyacağını açıqlayıb.
“Mövqeyimiz Yaxın Şərqdə davamlı sülhə nail olmaq üçün səylərə sadiqliyimizi ifadə edir”, - Abela bildirib.
Abela may ayında Maltanın Fələstin Probleminin Sülh Yolu ilə Həlli və İki Dövlətli Həllin Tətbiqi Konfransı əsnasında Fələstin Dövlətini tanımağı planlaşdırdığını açıqladı, əvvəlcə iyun ayında keçirilməsi planlaşdırılan, lakin təxirə salınaraq iki gün əvvəl Nyu Yorkda başladı.
İsrailin Qəzza zolağına hücumlarının yaratdığı humanitar faciənin getdikcə ağırlaşdığını qeyd edən Abela, bu vəziyyətin diqqətdən kənarda qala bilməyəcəyini vurğulayıb.
Aytən Yaşar/ Turkustan.az
