Almaniyalı Olimpiya çempionu Laura Dahlmeier Pakistanın Karakoram bölgəsində qayaya dırmaşarkən uçqun nəticəsində ölüb.
APA-nın “Alman dalğası”-na istinadən verdiyi məlumata görə, 31 yaşlı keçmiş biatlonçu ilə bağlı aparılan xilasetmə əməliyyatı uğursuz olub və xilasetmə əməliyyatı iyulun 29-da axşam saatlarında dayandırılıb.
Helikopterlə faciənin baş verdiyi yer üzərindən uçan xilasedicilər həyat əlaməti aşkar etməyiblər. Çətin hava şəraiti və faciə yerində davam edən qaya uçqunu səbəbindən təxliyə də mümkünsüz sayılır. Laura Dahlmeier ilə birlikdə qayaya dırmaşan idmançı onun ağır xəsarət aldığını bildirib. Mütəxəssislər Dalmeyerin həyatını itirdiyi qənaətindədirlər.
