"Başakşehir" Özbəkistan millisinin üzvü Abbosbek Fayzullaevi heyətinə qatıb.
QOL.az xəbər verir ki, bu barədə klubun mətbuat xidməti məlumat yayıb.
22 yaşlı yarımmüdafiəçi SSKA-dan (Rusiya) transfer edilib. Onunla 5 illik müqavilə imzalanıb.
Fayzullaev 2023-cü ilin avqustundan SSKA-da çıxış edirdi. O, komandada ümumilikdə 72 oyun keçirib, 8 qol vurub və 22 məhsuldar ötürmə edib.
