Rusiyanın ÇSKA klubunun yarımmüdafiəçisi Abbosbek Fayzullaev karyerasını Türkiyədə davam etdirəcək.
90deqiqe.Az-ın məlumatına görə, “Başakşəhər” klubuyla 21 yaşlı futbolçu 5 illik müqavilə imzalayıb.
Özbəkistan millisinin üzvü İstanbul klubunda Cengiz Ündərin rekordunu qırıb. Belə ki, Super Liqa təmsilçisinin onun üçün ödədiyi 7,5 milyon avro keçid haqqı klub tarixinin ən bahalı transferi edib.
Qeyd edək ki, “Başakşəhər” daha əvvəl "Roma"da çıxış edən özbək hücumçu Eldor Şahmuradovu heyətinə qatıb.
Fayzullaev ÇSKA-nın formasını 72 oyunda geyinib, bu matçlarda 8 qol vurub və 22 məhsuldar ötürmə edib.
