Amazon açıqlayıb ki, şirkətin anbar və logistika şəbəkəsində 1 milyondan çox robot fəaliyyət göstərir.
Valyuta.az xəbər verir ki, bu rəqəm təxminən 1 milyon insan işçisi ilə bərabər nisbət təşkil edir. Beləliklə, robot-insan nisbəti 1:1 səviyyəsinə çatıb.
Yeni nəsil robotlar, xüsusilə “Vulcan” modeli toxunma qabiliyyətinə malikdir və məhsulları ehtiyatla rəflərdən götürə bilir. Bu texnologiyalar sifarişlərin yığılması və çatdırılması prosesində insanlarla birlikdə çalışaraq məhsuldarlığı artırır.
Amazon-un məlumatına görə, çatdırmaların 75%-i artıq robotların iştirakı ilə həyata keçirilir. Şirkət 700 mindən çox əməkdaşı robot texnologiyalarına uyğunlaşdırmaq üçün təlimlərdən keçirib.
Robotların süni intellektlə təchiz edilməsi məhsuldarlığı 10% artırıb. Bu isə "Amazon" kimi gündəlik 13 milyon sifariş emal edən şirkətdə böyük iqtisadi üstünlük deməkdir.
Sərvanə Rəmixanova
