Rusiya ilə ticarət üçün idxal rüsumlarından əlavə Hindistana qarşı hansı əlavə tədbirlər görüləcəyini həftənin sonunda açıqlayacağıq.
Axar.az xəbər verir ki, bunu ABŞ Prezidenti Donald Tramp deyib.
ABŞ-ın Hindistana hansı əlavə məhdudlaşdırıcı tədbirlər tətbiq edəcəyi ilə bağlı suala cavabında Tramp söyləyib:
“Biz Hindistanla danışıqlar aparırıq, görəcəyik ki, nə baş verəcək. Onlara sövdələşmə və ya tariflər tətbiq etməyimiz o qədər də vacib deyil, bunu həftənin sonunda biləcəksiniz".
Qeyd edək ki, ABŞ Prezidenti Donald Tramp Hindistana 25 faizlik tarif vergisi tətbiq edib.
