Bakı, 31 iyul, AZƏRTAC
Ağdamdan 33 il bundan əvvəl çox əzab-əziyyətlə çıxmışdıq. İndi isə bu günümüzə şükürlər olsun ki, doğma yurda gülə-gülə qızımla, nəvələrimlə birgə gedirik. Arzum budur ki, orada cavanlarımız xoşbəxt günlər yaşasınlar.
AZƏRTAC xəbər verir ki, bu sözləri bu gün Ağdam rayonunun Xıdırlı kəndinə köç edən keçmiş məcburi köçkün Bəyim Qarayeva deyib.
O, Prezident İlham Əliyevə minnətdarlığını ifadə edərək şəhidlərə rəhmət, qazilərə cansağlığı arzulayıb: "Bu günümüzə görə Allaha şükür edirəm. Möhtərəm Prezidentimizə cansağlığı arzulayıram. Şəhidlərimizə Allah rəhmət eləsin, qazilərimizə şəfa versin. Allah Vətənimizi, torpaqlarımızı düşməndən qorusun".
