ABŞ Federal Kəşfiyyat Bürosunun direktoru Keş Patel prezident Donald Trampın Rusiya ilə “əlaqələri” ilə bağlı məxfi sənədləri “təsadüfən aşkarlayıb”. “Yanıq çantalar”da tapılan sənədlər “Demokratik saxtakarlıq” ola bilər. Bu barədə Fox News xəbər verir.
Qeyd olunur ki, FTB binasındakı gizli otaqda minlərlə sənədin tapıldığı iddia edilir. Sənədlər “yanıq kisələri” deyilən qablara yığılaraq utilizasiyaya hazırlanıb – xüsusi sobada məhv edilib.
Telekanalın mənbələrinin məlumatına görə, sənədlərdən biri keçmiş xüsusi prokuror Con Durhemin yekun hesabatına məxfi əlavədir. Orada prokurorun nəzərdən keçirdiyi bütün kəşfiyyat məlumatları var.
Əlavənin məxfilikdən çıxarılması barədə qərarı Mərkəzi Kəşfiyyatın direktoru Con Ratkliff, Patelin özü, Milli Kəşfiyyatın direktoru Tulsi Qabbard, baş prokuror Pam Bondi və Milli Təhlükəsizlik Agentliyinin direktoru vəzifəsini icra edən Uilyam Hartman verəcək. Bundan sonra sənəd Senatın Ədliyyə Komitəsinin sədri Çak Qrassliyə təhvil veriləcək və o, onu ictimaiyyətə açıqlayacaq.
Mənbələrin bildirdiyinə görə, sənəddə Trampın Rusiya ilə ehtimal olunan sövdələşməsinə dair məlumatların araşdırılmasında əsas rolu ABŞ-ın 44-cü prezidenti Barak Obamanın oynayacağına dair məlumatlar var. Həmçinin iddia edilir ki, FTB-nin qeyri-rəsmi araşdırmaya Tramp və Rusiya arasında ehtimal olunan əlaqələrlə bağlı qalmaqalın üzə çıxmasından çox əvvəl başlayıb.
“Nəhayət, məxfi əlavənin buraxılması ABŞ hökuməti daxilində Klinton kampaniyasına Trampın Rusiya ilə əlaqələri ilə bağlı mübahisələri qızışdırmağa kömək edəcək koordinasiyalı planın olması iddiasını təsdiq edəcək”, - mənbələrdən biri nəşrə izah edib.
Başqa bir mənbə, FTB-nin Durhamın məlumatları gördükdən bir neçə gün sonra Trampa qarşı "Çapraz atəş qasırğası" adlı təhqiqata başladığını və bu sənədlərin "demokratlar tərəfindən saxtalaşdırıldığı" ehtimalını artırdığını söylədi.
Əziz Mustafa
