Suriya hökuməti ölkənin təhlükəsizlik sisteminin davamlı işini təmin edə bilib.
“Report” Rusiya KİV-inə istinadən xəbər verir ki, bunu Suriyanın xarici işlər naziri Əsəd əş-Şibani Moskvada rusiyalı həmkarı Sergey Lavrovla danışıqlar zamanı bildirib.
Qeyd edək ki, bu, nazirlərin Rusiya paytaxtında ilk rəsmi görüşüdür.
Daha əvvəl Rusiya XİN-in rəsmi nümayəndəsi Mariya Zaxarova bildirmişdi ki, görüş çərçivəsində nazirlər ikitərəfli gündəliyin aktual məsələlərini, beynəlxalq və regional problemləri müzakirə edəcəklər.
