Bu səma şousu 2 avqust 2027-ci ildə baş tutacaq və eyni anda üç qitəni əhatə edəcək: Avropa, Afrika və Asiya. Tutulmanın ümumi fazasının maksimum müddəti 6 dəqiqə 23 saniyə olacaq ki, bu dahəmişəkindən iki dəfə uzundur. Belə hadisələrin əksəriyyəti adətən üç dəqiqədən az davam edir.
“Bu, 1991-2114-cü illər arasında Yerdən görünən ən uzun tam Günəş tutulması olacaq ki, bu da onu həqiqətən müstəsna bir hadisə səviyyəsinə gətirir”,- “Space.com” portalı yazır.
Dünyanın yarısını əhatə edəcək tutulma
Astronomlar bu hadisəni artıq “Şimali Afrikanın Böyük Tutulması” adlandırıblar, çünki o, ən yaxşı şəkildə burada - xüsusilə Misirdə görünəcək. Ən yaxşı şərait Luksorda olacaq, burada səma rekord 6,5 dəqiqə ərzində qaranlığa qərq olacaq.
Lakin tam tutulma digər bölgələrdə də görünəcək:
• Şimali Afrika (o cümlədən Liviya, Əlcəzair, Tunis);
• Cənubi Avropa (xüsusilə Cəbəllütariq);
• Yaxın Şərq (Səudiyyə Ərəbistanı və Yəmənin hissələri).
Dünyanın başqa yerlərində tutulma qismən olacaq, Ay Günəş diskini ancaq qismən örtəcək. Bu həm də möhtəşəm mənzərə olsa da, günün gecəyə çevrildiyi, ulduzların göründüyü və temperaturun kəskin aşağı düşdüyü ümumi faza ilə müqayisə edilə bilməz.
Bu unikal Günəş tutulması olacaq
Günəş tutulması Ayın birbaşa Günəşlə Yerin arasından keçərək Günəşi tamamilə görünməsinə maneə törətdiyi zaman baş verir.
Lakin tam qaranlıq fazasının 2027-ci ildə olacağı qədər davam etməsi üçün şərtlərin unikal vəhdəti zəruridir:
• Ay Yerdən ən yaxın məsafədə (perigey) olmalıdır ki, onun diski mümkün qədər böyük görünsün;
• Günəş ən uzaq orbitində (afeliy) olmalıdır ki, bu da onu bir qədər kiçik göstərir;
• Ayın kölgəsi okean üzərində deyil, Yerin quru səthinin üzərindən keçməlidir.
Bütün bu şərtlər məhz 2027-ci il avqustun 2-də üst-üstə düşəcək.
Ən yaxşı müşahidə harada olacaq
Tam tutulmanı bütün əzəməti ilə görmək istəyənlər üçün ən yaxşı baxış nöqtələri bu məkanlarda olacaq:
1.Luksor (Misir) - ümumi fazanın maksimum müddəti.
2.Liviya və Səudiyyə Ərəbistanının quru əraziləri - minimal bulud örtüyü ilə yaxşı görüntülər.
• Cəbəllütariq - kölgə yolunun qərb hissəsi, lakin fenomenin başlanğıcını müşahidə etmək imkanı.
Tam tutulmanın böyük hissəsi adətən olduğu kimi okeanda deyil, quruda baş verəcəyi üçün onu dahaç çox insan müşahidə edə biləcək.
Müşahidəyə necə hazırlaşmalı
Tam Günəş tutulması nəinki nadir hadisədir, həm də gözlər üçün potensial təhlükəlidir. Qismən tutulma zamanı belə qorunmadan Günəşə baxmaq gözün tor qişasına zərər verə bilər. Mütəxəssislər sertifikatları olan filtrli xüsusi qoruyucu eynəklərdən istifadə edilməsini və ya proyeksiya cihazlarından baxılmasını məsləhət görürlər.
Avqust ayı əksər rayonlarda yayın zirvəsi dövrü olduğundan, tutulmanın müşahidəsi şərtləri barədə əvvəlcədən düşünməyə dəyər: isti hava, yüksək günəş aktivliyi və əsas nöqtələrdə turistlərin böyük izdihamı.
Müşahidəçilər nəyin şahidi olacaqlar
Günəş tutulmasının tam mərhələsində:
• gündüz səması dərin alaqaranlıq vəziyyətinə qədər qaralacaq;
• ulduzlar və planetlər görünəcək;
• Günəş tacı - normal şəraitdə müşahidə etmək mümkün olmayan Günəşin xarici atmosferi görünəcək;
• havanın temperaturu bir neçə dərəcə aşağı düşə bilər.
Günəş tutulması astronomiyadan uzaq olanlarda belə uzunmüddətli təəssürat yaradan vizual, atmosfer və emosional hadisədir.
Yerdə və səmada görüş
Tam Günəş tutulmaları ən möhtəşəm astronomik hadisələrdən biridir və 2027-ci il avqustun 2-si müşahidələr tarixində xüsusi bir məqam olacaq. O, üç qitəni, milyonlarla izləyicini və bu səma tamaşasından mümkün qədər çox məlumat çıxarmaq istəyən minlərlə alimi bir araya gətirəcək.
Sahil İsgəndərov
AzVision.az
