“Araz-Naxçıvan” bu gün Konfrans Liqasının II təsnifat mərhələsinin cavab oyununda “Aris”in qonağı olacaq.
Futbolpress.az xəbər verir ki, Yunanıstanda “Vikelidis” stadionunda baş tutacaq oyunda tribunaların dolu olması gözlənilir. Bu barədə Yunanıstan mətbuatı məlumat yayıb.
Yunanlar “Araz-Naxçıvan”a ilk oyundakı məğlubiyyətdən (1:2) sonra bu matçı döyüş kimi qələmə verib. Bu səbəbdən arenanın dolacağı və “Aris”ə güclü azarkeş dəstəyinin olacağı bildirilib.
Matç saat 22:15-də başlayacaq.
