Məşhur türkiyəli aktrisa Seda Bakanın dünya ulduzu Cennifer Lopezlə Antalyadakı konsertindən sonra çəkdirdiyi foto sosial mediada gündəm olub.
Publika.az xəbər verir ki, iddialara görə, Bakan və bir neçə məşhur ulduz Lopezlə şəkil çəkdirmək üçün vasitəçiyə 1 milyon lirə ödəyib.
Sözügedən iddialar sosial mediada geniş müzakirələrə səbəb olub. Seda Bakan isə məsələ ilə bağlı susqunluğunu pozaraq sosial media hesabından açıqlama verib. Aktrisa bu iddiaların tamamilə əsassız olduğunu və Cennifer Lopezlə görüş üçün heç bir ödəniş etmədiyini bildirib.
Qeyd edək ki, Cennifer Lopez “Up All Night Live In 2025” turnesi çərçivəsində Antalyada konsert verib. Tədbirdə iştirak edən Seda Bakan səhnə arxasında Lopezlə görüşərək birgə foto çəkdirib və həmin görüntünü “Yeni dostum. Heyranıyam” şərhi ilə sosial şəbəkədə paylaşıb.
