Azərbaycan Neft və Qaz Sənayesi İşçiləri Həmkarlar İttifaqı Respublika Komitəsinin sədri Rüfət Zamanov və “Azəriqaz” İstehsalat Birliyi Həmkarlar İttifaqı Komitəsinin sədri Ədalət Qurbanov Birliyin Qarabağ Regional qaz istismarı İdarəsinə səfər ediblər.
Manset.az xəbər verir ki, görüş çərçivəsində Birlik əməkdaşlarının əmək şəraiti, mövcud vəziyyətləri və onların qayğıları ilə maraqlanaraq, çətin və olduqca məsuliyyətli işlərində uğurlar arzulayıblar.
Daha sonra işğaldan azad olunan ərazilərdə yaradılan Regional İdarədə Həmkarlar İttifaqı təşkilatının təsis konfransı keçirilib və Həmkarlar İttifaqı yaradılıb. Təşkilatın 7 nəfərdən ibarət idarə heyəti seçilib. Azərbaycan Neft və Qaz Sənayesi İşçiləri Həmkarlar İttifaqı Respublika Komitəsinin sədri Rüfət Zamanov Regional İdarəyə hədiyyə təqdim edib. Bundan əlavə səfər zamanı 10 nəfər Birlik əməkdaşı faydalı işinə, nümunəvi əmək fəaliyyətinə və Həmkarlar İttifaqı hərəkatında fəal iştirakına görə Fəxri Fərman və hədiyyə ilə mükafatlandırılıb.
