Ötən mövsüm Premyer Liqanı sonuncu pillədə başa vuraraq I Liqaya yuvarlanan "Səbail"in ilk sınaqçı rəqibi müəyyənləşib.
Fanat.Az-ın əldə etdiyi məlumata görə, iyulun 25-dən növbəti mövsümün hazırlığına başlayan "dənizçilər" bazar günü ilk yoxlama oyununa çıxacaq.
Rəqib "Neftçi"nin 19 yaşadək futbolçulardan ibarət komandası olacaq. Oyun "ASCO Arena"da baş tutacaq və saat 17:00-da başlayacaq.
Xatırladaq ki, 2017-ci ildən Premyer Liqada çıxış edən "Səbail" 8 ildən sonra elitanı tərk edib.
Mirağa
