ABŞ-ın nüvə obyektində radioaktiv arı yuvası aşkar edilib.
Publika.az xəbər verir ki, bu barədə “The Daily Star” məlumat yayıb.
Bildirilir ki, arıların radioaktiv maddələrə bulaşmasının səbəbi hələ də məlum deyil.
Energetika Departamentinin hesabatına görə, iyulun 3-də radioloji monitorlar Cənubi Karolina ştatının Eyken şəhərindəki Savanna çayı obyektində saxlama anbarının yaxınlığındakı postda arı yuvasını müşahidə ediblər.
Yuva emal edildikdən və radioaktiv tullantı kimi utilizasiyaya hazırlandıqdan sonra radiasiya səviyyəsinin dəqiqədə 100.000 parçalanma (dpm) qədər yüksək olduğu aşkar edilib və müəssisə rəsmiləri bunu "orta dərəcədə yüksək radiasiya" adlandırıb.
