ABŞ Fələstin Muxtariyyətinin nümayəndələrinə və Fələstin Azadlıq Təşkilatının (FAT) üzvlərinə sanksiyalar tətbiq edib.
İnterpress.az xəbər verir ki, bu barədə Dövlət Departamentinin bəyanatında deyilir.
Birləşmiş Ştatlar Fələstin Muxtariyyətinin nümayəndələrini və Fələstin Azadlıq Təşkilatının (FAT) üzvlərini “sülh səylərinə zərbə vurmaqda” ittiham edərək onlara qarşı sanksiyalar tətbiq edib.
Sanksiyaya məruz qalanlara ABŞ-yə daxil olmaq üçün viza almaq qadağan edilib.
Dövlət Departamentinin bəyanatında deyilir:
“Nəticələr tətbiq etmək və Fələstin Təşkilatı və Fələstin Administrasiyasını öhdəliklərini yerinə yetirmədiklərinə və sülh perspektivlərini sarsıtdıqlarına görə məsuliyyətə cəlb etmək bizim milli təhlükəsizlik maraqlarımızdır”.
Onlar həmçinin “zorakılığa təhrik və zorakılığın təriflənməsi (xüsusilə dərsliklərdə) daxil olmaqla terrorizmi dəstəkləməyə davam edir və Fələstinli terrorçulara və onların ailələrinə terrorizmi dəstəkləmək üçün ödənişlər və imtiyazlar təqdim edirlər”.
Xuraman Etibarlı
İnterpress.az
