Məşhəddə xəstəxanada güclü yanğın baş verib

İranın Məşhəd şəhərində xəstəxanada güclü yanğın qeydə alınıb.
APA xəbər verir ki, bu barədə İRNA məlumat yayıb.
Məşhədin Yanğından Mühafizə İdarəsinin əməliyyat işləri üzrə müavini Vahid Baxoda bildirib ki, yanğın Qaem xəstəxanasının həyətində baş verib, orada ağaclıq sahə yanır.
Vahid Baxoda qeyd edib ki, bir qədər əvvəl quruma yanğınla bağlı müraciət daxil olub və dörd briqada hadisə yerinə göndərilib.
Qeyd olunub ki, yanğın binaya keçməyib.
İlkin məlumata görə, xəsarət faktı qeydə alınmayıb, yağınsöndürmə əməliyyatı dəvam etdirilir.

• Yanğın
• Xəstəxana
• İran
• Məşhəd
• Qaem