- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
Mütəxəssis: Süni intellekt bəşəriyyət üçün həm böyük fürsətlər, həm də ciddi təhdidlər yaradır
Bununla bağlı İT üzrə mütəxəssis Həsən Quliyev Demokrat.az-a açıqlama verib.
Onun sözlərinə görə, süni intellekt artıq sadəcə proqram təminatı deyil, ciddi nəticələrə səbəb ola biləcək bir gücdür:
“Bu vəziyyətin səbəbi isə texnologiyanın sürətli inkişafı fonunda qlobal etik və hüquqi nəzarət sistemlərinin çatışmamasıdır. Süni intellektin qərarvermə imkanları genişləndikcə, insan nəzarətindən çıxan proseslər baş verə bilər. Süni intellekt yalnız texniki deyil, eyni zamanda sosial struktur üçün də təhlükə yarada bilər. Hazırda AI texnologiyalarının istifadəsi ilə bağlı dünya miqyasında vahid bir hüquqi və etik çərçivə yoxdur. Bu da texnologiyadan sui-istifadə hallarını artırır. Süni intellekt bəşəriyyət üçün həm böyük fürsətlər, həm də ciddi təhdidlər yaradır. Bu texnologiyanın gələcəkdə necə formalaşacağı isə bizim bu gün atdığımız addımlardan asılıdır. Qlobal miqyasda etik, hüquqi və texniki standartların formalaşdırılması, ictimai maarifləndirmə və şəffaf nəzarət mexanizmləri olmadan süni intellekt, həqiqətən də, idarəolunmaz gücə çevrilə bilər”.
Leyla Turan
Demokrat.az
