Rusiya prezidenti Vladimir Putin heç vaxt rəsmi olaraq məzuniyyətə getmir, lakin bəzən bir-iki gün istirahət edir, hətta bu halda da istirahət tam olmur.
Publika.az xəbər verir ki, bunu Kremlin mətbuat katibi Dmitri Peskov “Yunashev Live” Telegram kanalına şərhində deyib.
Kremlin sözçüsü prezidentin məzuniyyətə getməyi planlaşdırıb-planlaşdırmadığı ilə bağlı sualı cavablandırarkən qeyd edib:
"Bu, praktiki olaraq heç vaxt baş vermir, ona görə də o, rəsmi olaraq heç vaxt məzuniyyətə getmir. Əslində, dövlət başçısının funksiyaları məzuniyyətə getmək imkanını nəzərdə tutmur".
