Donald Tramp administrasiyası Ağ Evdə 650 nəfərlik yeni dövlət balo zalı (rəsmi ziyafətlər üçün) inşa etməyi planlaşdırır.
Publika.az xəbər verir ki, layihənin dəyəri təxminən 200 milyon dollar təşkil edir.
Rəsmi açıqlamaya görə, yeni balo zalı 90 min kvadrat metr sahəni əhatə edəcək. Tikinti işlərinə sentyabrda başlanması gözlənilir. Layihəyə “Clark Construction” və “AECOM” rəhbərlik edəcək, baş memar isə MakKerri Arxitekts olacaq.
Qeyd olunub ki, tikinti Ağ Evin memarlıq üslubuna uyğun şəkildə aparılacaq və binanın əsas hissəsindən uzaqda yerləşəcək. Təhlükəsizlik təminatı isə ABŞ Gizli Xidməti tərəfindən həyata keçiriləcək.
