ABŞ administrasiyasının ən yüksək rüsumların bir qismini – 35 faizini tətbiq etdiyi Serbiyanın hakimiyyəti yaxın günlərdə Vaşinqtonla danışıqları davam etdirmək niyyətindədir.
Bakues.az Serbiyanın “RTS” telekanalına istinadən xəbər verir ki, bununla bağlı Serbiya Ticarət Palatasının nümayəndəsi Bojan Staniç açıqlama verib.
Onun sözlərinə görə, üsumlar avqustun 1-də tətbiq edilib, lakin avqustun 7-də qüvvəyə minəcək:
“Son on ildə iqtisadi əlaqələrimizi xeyli yaxşılaşdırdıq. Biz ABŞ ilə xarici ticarətdə 20%-dən çox artım müşahidə etmişik. Bu artımı məhdudlaşdırmağa ehtiyac yoxdur. Serbiyanın bütün siyahıda ən yüksək tariflərə malik ölkələrin ilk on faizində olduğunu nəzərə alsaq, bu artımı məhdudlaşdırmaq üçün siyasi səbəblər var. Yaxın yeddi gündə danışıqlar və ya texniki düzəlişlər üçün şans var. Əsas danışıqlar dövlət tərəfindən aparılır, ona görə də təfərrüatları öyrənmək üçün dövlət nümayəndələrinin rəsmi açıqlamasını gözləməliyik”.
Staniç xatırladıb ki, ABŞ administrasiyası bir ay əvvəl Serbiyadan gələn mallara 35% rüsum tətbiq edib və Serbiya hakimiyyəti bu barədə yazılı şəkildə məlumatlandırılıb.
O, ABŞ hakimiyyətinin qərarının Serbiyanı məyus etdiyini də vurğulayıb.
Asim
