E.Həsənovun fikrincə, razılıq əldə oluna, atəşkəs elan edilə bilər, ancaq müharibənin tam dayandırılması real görünmür: “Çünki Rusiya son günlər Ukraynanın bir çox yeni məntəqələrini, qəsəbə və kəndlərini ələ keçirir, mövqelərini möhkəmləndirir və müharibəni daha aqressiv şəkildə aparır. Bu da onu göstərir ki, Putin öz məqsədlərinə çatmadan müharibəni dayandırmaq istəmir. Putin Trampla danışanda da bildirmişdi ki, əgər məqsədlərinə çatmasalar, müharibəni dayandırmayacaqlar. Onun məqsədi isə Ukraynanı tam işğal etmək və orada özünə uyğun bir hakimiyyət qurmaqdır. Ancaq düşünürəm ki, buna nail ola bilməyəcək. Çünki artıq həm Avropa, həm də artıq Amerika başa düşür ki, Ukraynaya ciddi dəstək göstərmək vacibdir. Ukrayna da son zamanlar hərbi yardım sahəsində irəliləyiş əldə edir, öz torpaqlarında ciddi müqavimət göstərir və bəzi yerlərdə kənd və qəsəbələri işğaldan azad edir”. Politoloq avqustun 8-də müharibənin bitməsinin real olmadığını hesab edir. Sevinc İbrahimzadə / Metbuat.az
