Avtomobil dizaynı - estetik, funksionallıq və innovasiyanın balansıdır. Lakin bəzən bu balans pozulur və nəticədə elə modellər ortaya çıxır ki, alıcıları heyrətləndirmək əvəzinə, onları uzaqlaşdırır.
Avtosfer.az xəbər verir ki, bu yazıda avtomobil sahəsində birmənalı qarşılanmayan, tənqid və istehza obyektinə çevrilmiş 5 model təqdim olunur.
1. Fiat Multipla (İtaliya)
İstehsal: 1998-2004
Satış: 150-400 min ədəd
İki mərtəbəli qabaq hissəsi və çıxıntılı burnu ilə "Multipla" dünya avtomobil ictimaiyyətini şoka salmışdı. Şüşəsi geniş, forması isə qeyri-adi olan bu model bəzi texniki üstünlüklərinə baxmayaraq, əsasən görünüşünə görə tanınmışdı.
"Fiat Multipla" elə bil iki avtomobili üst-üstə park ediblər", deyə "Top Gear" aparıcısı Ceyms Mey bildirib.
2. "Nissan Cube" (Yaponiya)
İstehsal: 1998-2019
Satış: təqribən 1 milyon ədəd
Bu modelin kubik forması və qeyri-simmetrik pəncərələri cəsarətli eksperiment idi. Lakin çoxları onu sadəcə "toster təkərlərdə" adlandırıb.
"Nissan Cube" tosterin təkərlərə mindirilmiş halıdır", "The Wall Street Journal"dan Den Nil bildirib.
3. "Citroen Ami" (Fransa)
İstehsal: 1961–1978
Satış: 1,8 milyon ədəd
Uğurlu satış rəqəmlərinə baxmayaraq, bu avtomobil əsasən ucuzluğu ilə seçildi. Dizaynı isə çox vaxt yarımçıq hesab olunurdu.
"Citroen Ami" elə bil dizaynerlər işin yarısında imtina etdilər", deyə avtomobil tarixçisi Pol Horak bildirib
4. "Ford Edsel" (ABŞ)
İstehsal: 1958–1960
Satış: 110 min ədəd
"Ford Edsel"in ümumi forması dövrün “quru yelkənli yaxtası” stilinə uyğundur. Lakin qabaq barmaqlığı bir çoxlarının təəccübünə səbəb olmuşdu.
"Edsel"in barmaqlığı çevrilmiş unitaza bənzəyir", deyə "Ford"un sabiq prezidenti Li Yakokka bildirib.
5. "Tesla Cybertruck" (ABŞ)
İstehsal: 2023-cü ildən
Satış: təqribən 20 min ədəd
İlon Maskın təqdimatından bəri "Cybertruck" dizaynına dair mübahisələr bitmək bilmir. Hətta "Tesla"nın həmtəsisçisi Martin Eberhard belə onun dizaynını və qiymətini tənqid etmişdi.
"Tesla" bazarın ehtiyacı olan büdcə elektromobil layihəsini ləğv etdi. Bunun əvəzinə, zibil qabına bənzəyən bir pikap təqdim etdilər", deyə Martin Eberhard bildirib.(valyuta.az)
