ABŞ dolları beynəlxalq valyuta bazarlarında son ayların ən yüksək səviyyəsinə çatıb.
Reuters agentliyinin məlumatına görə, investorlar arasında ABŞ iqtisadiyyatının dayanıqlılığı və Federal Ehtiyat Sisteminin (FED) faiz dərəcələrini uzun müddət yüksək səviyyədə saxlayacağına dair gözləntilər dolların möhkəmlənməsinə səbəb olub.
Dollar indeksi hazırda son bir neçə ayın maksimumuna yaxınlaşaraq, digər əsas valyutalar – avro, funt sterlinq və yen qarşısında güclənməyə davam edir. Analitiklər bu tendensiyanın yaxın zamanda dəyişməyəcəyini bildirirlər.
Qeyd edək ki, FED-in inflyasiyaya qarşı sərt monetar siyasəti dolların dəyərinin artmasına əsas səbəb kimi göstərilir.
//Samir Qurbanov, Editor.az
