"Gəlin anlamağa çalışaq ki, bu regionda hansı dövlətlər Ermənistan Respublikası üçün təhlükə yaradır. Hansı ölkələr ərazilərimizə iddia edir?”,
Publika.az xəbər verir ki, bunu avqustun 1-də “5-ci kanal”a müsahibəsində Ermənistanın ikinci prezidenti, Xocalı qatili Robert Köçəryan deyib. O, Türkiyə və Azərbaycanı Ermənistana təhdid kimi göstərib, Rusiyaya sığınmalı olduqlarını bildirib.
“Birbaşa təhlükə Türkiyə və Azərbaycandır. Azərbaycan ən yüksək səviyyədə bəyan edir ki, Göyçə onlarındır, Yerevan "İrəvandır", Azərbaycan şəhəridir, Zəngəzur Azərbaycandır. Növbəti addım bu olmalıdır: anlamaq lazımdır ki, hansı ölkə regionda Türkiyə və Azərbaycanın qarşısını almağa qadirdir. Bu ölkə, əlbəttə ki, Fransa deyil. Fransa ordusunda 200 min nəfəri var, onlardan yalnız 50 mini döyüşə hazırdır və onsuz da onlar bu məsələyə “yox” deyirlər.
Deməli, Azərbaycanı və Türkiyənin qarşısını almaq üçün yeganə yol Rusiyadır və bu vəziyyətdə bir bacarıqlı lider Ermənistanın lehinə olan münasibətləri cilovlaya bilər.
Bəs Ermənistan rəhbərliyi nə etdi? Rusiya ilə ziddiyyət təşkil edir və Ermənistana birbaşa təhlükə yaradan ölkələrlə dostluq etməyə çalışır.
Azərbaycan və Türkiyənin Ermənistana olan iştahını cilovlamağın yeganə yolu Rusiyadır.
Sülh müqaviləsi dəyəri sıfır olan bir kağız parçası deyil, arxanızda razılaşmaların həyata keçirilməsini təmin edəcək güclü bir ölkə olduqda sülh müqaviləsi olmalıdır. Beynəlxalq münasibətlər belə işləyir.
