AzPost bildirir ki, Samara gömrükçüləri sərhəddən keçirilməsi qadağan olunmuş maddələrin siyahısına daxil edilmiş, tərkibində narkotik maddə olan üzərriyin qanunsuz idxalı ilə bağlı dörd fakt qeydə alıb.
Qeyd edildiyi kimi, üzərrik daha çox Azərbaycandan gələn sərnişinlərin baqajında rast gəlinir. Təkcə son aylarda Orenburq hava limanında belə hadisələrin sayı xeyli artıb. Belə ki, bir halda sərnişindən 54,7 qram, digər şəxs isə 221 qramı qaçaqmalçılıq yolu ilə keçirməyə cəhd göstərib. Müəyyən edilmiş bütün faktlar üzrə cinayət işi açılıb.
Saxlanılan şəxslər iddia edirlər ki, “üzərrik” kimi tanınan bu bitkini Bakı bazarlarından müalicə məqsədilə alıblar. Ancaq Rusiyada bu bitkinin dövriyyəsi məhduddur, çünki tərkibində psixoaktiv maddələr var.
Belə pozuntuların qarşısının alınması məqsədilə gömrük əməkdaşları tərəfindən məlumatlandırma kampaniyası aparılıb: Üzərrik idxalına qadağa qoyulması ilə bağlı memorandumlar hazırlanıb, gəliş və gediş zonalarında müvafiq elanlar yerləşdirilib, aviadaşıyıcı ilə qarşılıqlı fəaliyyət təşkil edilib.
