Süni intellekt səbəbindən bəşəriyyətin yox olma ehtimalı indiki yolu davam etdirsək ən azı 95 faizdir.
Turkustan.az xarici mediaya istinadla xəbərinə görə, bu fikri Google və “Microsoft”un keçmiş mühəndisi və hazırda maşın intellekti tədqiqat institutunun prezidenti Neyt Soares söyləyib.
"Əgər biz indiki kursdan dönməsək, demək olar ki, ölümdən qaçmaq şansı yoxdur. 100 km / saat sürətlə uçuruma doğru irəliləyirik", - o deyib.
Nobel mükafatı laureatı Ceffri Hinton, riyaziyyatçı,Yoşua Benjio, eləcə dəOpenAI, Anthropic və Google DeepMind şirkətlərinin rəhbərləri onunla razılaşırlar.
Hamısı belə bir bəyanat imzalayıblar: "İnsanların süni intellektə görə yox olma riskinin azaldılması pandemiya və nüvə təhlükələri ilə birlikdə qlobal prioritet olmalıdır".
Qeyd edilir ki, narahatlıqlar aldatmağa, planlaşdırmağa və nəzarətdən çıxmağa qadir olan superintellektli süni intellektin mümkün yaranması ilə bağlıdır. İndi də süni intellekt artıq yalan danışa bilir və onun daxili prosesləri insanlar üçün çox vaxt anlaşılmaz olur.
Bəzi ekspertlər hesab edirlər ki, tamamilə yox olmaq deyil, daha doğrusu, bəşəriyyətin “tədricən zəifləməsi” riski də realdır: qərarların maşınlar tərəfindən qəbul edildiyi dünyada insanlara sadəcə olaraq yer qalmayacaq. /Lent.az/
