BAKI, 2 avqust. TELEQRAF
Bakı-Tbilisi-Qars dəmir yolu (BTQ) ilə bu ilin ilk 7 ayında 250 min ton yük daşınıb.
Teleqraf xəbər verir ki, bunu Qars Ticarət və Sənaye Palatasının (KATSO) sədri Kadir Bozan jurnalistlərə bildirib.
Yük daşımalarının hər il artdığını qeyd edən Bozan bu ilin sonuna qədər yükdaşımanın həcminin 500 min tonu keçəcəyini təxmin etdiklərini deyib:
“Bakıdan başlayan, Gürcüstanın Tbilisi və Axalkalaki şəhərlərindən keçərək Qarsa qədər uzanan 829 kilometrlik dəmir yolu xətti Avropa ilə Çin arasında fasiləsiz yük daşımalarını təmin edir. Biz demək olar ki, 2030-2032 hədəflərinə çatmaq ərəfəsindəyik. Bu templə davam edərsə, keçən illə bu il arasında ciddi fərq olacaq. Bakı-Tbilisi-Qars dəmir yolu Londondan Pekinə qədər uzanan bir xətt kimi nəzərdən keçirilir. Normalda təxminən 40-60 gün çəkən bu marşrut indi bu, əhəmiyyətli dərəcədə azalıb. Bu, Bakı-Tbilisi-Qars dəmir yolunun bütün regionlar üçün əhəmiyyətini bir daha nümayiş etdirir”.
Daşınan yüklərin miqdarı ilə bağlı Bozan bunları deyib: "2024-cü ildə ümumi səfərlərin sayı 76, idxal üçün daşınan konteynerlərin sayı 971, ixrac üçün daşınan konteynerlərin sayı isə 910 olub. 2025-ci ilin ilk 7 ayında ümumi səfərlərin sayı 151, idxal edilən konteynerlərin sayı isə yüzdə 34 artımla 98,7 faiz artıb".
