ain.az, Bizimyol saytına istinadən bildirir.
Çində yerləşən Zhejiang Universitetinin Beyin Kəşfiyyat Laboratoriyasının alimləri makaka meymununun beyni kimi fəaliyyət göstərə bilən, “Darvin meymunu” adlandırılan süni intellekt əsaslı kompüter hazırlayıblar.
Bizimyol.info xəbər verir ki, “Sinxua” agentliyinin məlumatına görə, bu kompüter beyin fəaliyyətini təqlid edən üçüncü nəsil texnologiyalara əsaslanır və görmə, eşitmə, dil və öyrənmə kimi mürəkkəb funksiyaları birləşdirə bilir.
Tədqiqatçılar cihazı xüsusi neyromorfik arxitekturaya əsaslanaraq hazırlayıblar. Bu texnologiya bioloji beynin sinir şəbəkələrinin işləmə prinsipini təqlid edir və süni intellektin daha təbii və insanabənzər düşünmə qabiliyyətlərini inkişaf etdirməyə imkan yaradır.
“Darvin meymunu” kompüteri məntiqi düşünmə, məzmun yaratma və riyazi məsələlərin həlli kimi tapşırıqları yerinə yetirmək iqtidarındadır. Layihənin əsas məqsədi bioloji və süni beyinlər arasında körpü quraraq, gələcəkdə sağlamlıq, təhsil və süni intellektin tətbiqi sahələrində inqilabi dəyişikliklərə yol açmaqdır.
Bununla belə, bu cür texnologiyaların inkişafı süni intellektin etik sərhədləri və nəzarət məsələlərini yenidən gündəmə gətirir.
Qadir, Bizimyol.info
Hadisənin gedişatını izləmək üçün ain.az saytında ən son yeniliklərə baxın.
